Hmarcha quintal 37,929 thar beisei a ni

Mizoram chhungah kum 2024 chhungin Hmarcha quintal 5858 leh kg 5065 chin a ni a, quintal 37,929 leh kg 475 tharchhuah beisei a ni.

Agricuture Department chhinchhiah danin Mizoram chhunga Hmarcha chinna atan hian ram acre 11831 leh bigha 42 hman a ni a, chhungkaw 8687 ten Hmarcha hi an ching a ni. Champhai District chu Hmarcha ching tam ber District niin chhungkaw 851 in quintal 177.202 chingin quintal 2130.91 thar beisei a ni a, Hmarcha ching tlemna ber District chu Mamit District niin chhungkaw 353 in quintal 11.4 an chinah quintal 883.2 tharchhuah beisei a ni bawk.

Aizawl District-a chhungkaw 1,138 ten ram acre 1,218-a zau-ah quintal 43.735 chingin quintal 2435.605 thar beisei a ni a, District dang pariat, Lunglei, Siaha, Lawngtlai, Kolasib, Serchhip, Khawzawl, Saitual leh Hnahthial District-a chhungkaw 6345 ten ram acre 8328 leh bigha 25-a zau-ah quintal 893.7175 an chin atangin quintal 32,479.76 tharchhuah beisei a ni bawk.