Halpuah leh Halmawi hal avangin mi 14 man tawh

Krismas leh Kumthar vuakvetah Halpuah leh Halmawi hal avangin mi 14 man an ni tawh.

Aizawl SP Rex Zarzoliana sawi danin Krismas leh Kumthar vuakveta halpuah leh halmawi khapna thupek chhuah atangin Halpuah leh halmawi ah thubuai 12 ziahluh niin mi 14 man an ni a, halpuah leh halmawi an man chu cheng nuai 23 chuang a tling tih sawiin, man zingah a neitu hriatloh pakhat a awm a ni. Aizawl SP sawi danin Bawngkawn Police Station-ah pahnih man niin Kulikawn leh Vaivakawn PS-ah mi pakhat ve ve man an ni a, Kumin Krismas leh kumthar vuakveta khapna thupek chhuah hnuah Halpuah leh halmawi hal anga puh anih vangin mi pakhat man a ni a, jail a dahluh nghal a nih thu a sawi bawk.

Rex Zarzoliana chuan Halpuah leh halmawi hal avangin case 33 ziahluh ani tawh tih sawiin, la man loh te hi Court in koh tura a tih an ni a ti a, Mizoram Police chu hmun hrang hrangah hunpui laiin zan duty an indah tih sawiin, venhimna tha takin an kalpui tih a sawi bawk.