Congress in Serchhip-a an Candidate tur an puang

Thla thar February 12-a Village Council Inthlan neih tura Congress party in Serchhip-a an Candidate turte chu nimin khan an puang.
Serchhip Kawnpui VC Hall-a Congress Party in an Candidate tur an puanna hun hi Serchhip Block Congress Committee-a MCC F. Malsawmtluanga chuan kaihruaiin MPCC-a Secretary R. Van-laltluanga chuan an Candidate turte hi a puang a, tunhnaiah Mizoram hmun hrang hrangah an Party boruak a tha chho hle tih sawiin, inthlan an hmachhawn turah theihtawp chhuah turin an party mipui kalkhawmte chu a chah bawk a ni.

Congress Party hi Serchhip Chhim Veng leh Serchhip Kawnpui VC-ah MNF te nen an thawkdun dawn a, VC Area dang zawngah an Party malin he inthlan lo awm tur hi an chuh dawn a. Serchhip Dinthar, Field Veng leh Chanmari VC ah te chuan Seat an chuh kim dawn lo thung a ni.

Comments