Chief Secretary in Kolasib District a tlawh

Mizoram Chief Secretary Khilli Ram Meena chuan chuan Inrinni khan Kolasib District tlawhin Kolasib-a Head of Office te chu DC Conference Hall-ah a kawm nghal bawk.

Chief Secretary hi Kolasib DC Robert C. Lalhmangaiha leh a thawhpui ten lo dawngsawngin Chief Secretary chuan Kolasib District chu Mizoram State luhkha pawimawh tak a nih avangin Sawrkar hmun pawimawh tak a nih thu a sawi a. Sawrkar anga hmalakna tur awmte pawh chak tak a kalpui a tul thu sawiin, in kalpawhna kawng tha neih chu hna hmasa a nih thu a sawi a. Loneitute chu mipui nunna hnar pawimawh an nih angin loneitute mamawh ngaihtuaha an hnena thlen chu Sawrkar ngaih pawimawh tak a ni thu a sawi bawk. Chuief Secretary Khiili Ram Meena chuan Kolasib chu Assam State nen inthenawm a nih avangin Sawrkar dan kalha State pawn atanga thil chawkluhna kawng a ni tih hre reng turin a chah nghal a. Hemi kawnga chak zawka hmalak a nih theih nan State thenawm nen inlaichinna tha siam a pawimawh thu leh State Sawrkar thuneihtute nen pawh inbiahpawhna tha neih a tul thu a sawi a ni.

He hunah vek hian NHIDCL in National Highway an siam mek leh kawngpui dang an khawih mek chungchangah hmalakna Chief Secretary ho hian thlirho a ni a, Chief Secretary chuan NHIDCL te chu an theihtawp chhuah turin a chah a. Hei bakah hian Bukvannei-a Godrej Palm Oil Mill pawh tlawhin Oil Palm hmanga hmalakna chu India ram Sawrkar laipui pawhin a ngaih pawimawh thu a sawi bawk a ni.