AIPCC Conference-ah tel

All India Presiding Officers’ Conference (AIPOC) vawi 85-na chu Patna-ah neih mek niin Mizoram atangin Assembly Speaker Lalbiakzama leh Official dangte an tel a ni.

India rama Legislature hrang hrang- Parliament, State leh UT te khaikhawmtu Committee sang, All India Presiding Officers’ Conference (AIPOC) vawi 85-na hi Bihar Legislative Assembly, Patna-ah neih niin Mizoram atangin State Legislative Assembly Speaker Lalbiakzama leh Mizoram Legislative Assembly Secretariat Official te an tel a, ni 2 chhung awh tur niin Vawiin hian chhun-zawmin zawhfel tur a ni ang. He Conference hi Lok Sabha Speaker Om Birla chuan hawngin, ‘Practice and Procedure of Parliament’ 8th Edition chu a tlangzarh nghal bawk a. Legislative body te’n rorelna kalphung chak zawk, felfai leh awlsam zawk siam theih nan technology chang-kang zawk hman tangkai theih dan tur chungchang sawiho a ni.

AIPOC hmasa ber hi kum 1921 khan Shimla ah neih a ni a, tun tum hi Bihar-ah tum thum an neihna a ni tawh a. He Conference hi Parliament leh State Legislative Assembly te’n India Constitution vawnhim kawnga an mawh-phurhna leh kalphung hrang hrangte an sawihona hun atan ruat niin kumin hian ‘75th Anniversary of Constitution: Contribution of Parliament and State legislative bodies in strengthening constitutional values” tih chu thupui atan thlan a ni.