Hornbill Festival-ah Larsap

Zonuna Kawlni (LENKAWL) • December 9, 2024 • Comments • Mizoram

Mizoram Larsap Dr. Hari Babu Kambham-pati chuan Nagaland Governor La Ganesan sawm angin Zirtawpni khan Nagaland-a Hornbill Festival lawmna hun Naga Heritage Village, Kisama, Kohima District-a neih chu Khualtha niin a hmanpui a, he hunah hian Nagaland State chhunga hnam hrang hrangte leh State pawn atanga sawmte'n hnam lam entirin hnam ziarang leh nunphungte pholan a ni. Hornbill Festival hi Nagaland Sawrkar Department of State Tourism leh Department of Art & Culture-te buatsaih niin kum 2000 atang khan neih tan a ni a, December ni 1 atanga ni 10 thleng Kisama Heritage Village, Nagaland khawpui Kohima atanga KM 12 a hlaah neih thin niin kumin hi a vawi 25-na a ni. Larsap hian 2nd World War Museum leh Kohima War Cemetery te pawh a tlawh nghal a ni.