Wicket khat in Serchhip District chak
Suaka Cricket Ground, Sihhmui-a CAM buatsaih Presidents Cup 2024 - 2025 khelh mekah hian Round of 32 khelh mek niin nimin a inkhel hmasa berah Serchhip District Cricket Association leh Armed Veng South Cricket Club te hi an inhmachhawn a, Toss-a chak Armed Veng South lam hian vuak hmasak an thlang a, Serchhip lam an chetha hmasa in Wicket an la chho zeuh zeuh a, Overs 20-ah Armed Veng South lam run 89 siamin Wicket 8 an hloh a. Captain C. Zoramthara bakah K. Suraj Singh leh Lalbiakzuala te chuan Wicket 2 theuh an la a ni.
Hemi hnu hian Serchhip DCA lam hian vaw ve leh thungin target a san loh avangin beisei a sang a, amaherawh chu Serchhip DCA batters te an che fuh hlei thei lo a, Wicket hloh chho zeuh zeuhin run siam tam ber Saingurpuia chuan run 18 chiah a siam a, K. Suraj Singh pawhin run 16 chiah siamin Hriatkima (run 15) leh Roma (run 16) bak run 10 siam tling awm lovin over 18..5-a Wicket 9 hlohin an target hi an khum hram a, Wicket khat in hnehna an chang ta a ni.