NCST Member in Mamit a tlawh

National Commission for Scheduled Tribe-a Member Nirupam Chakma chuan nimin khan Mamit tlawhin Mamit District chhunga Minority te a kawm bakah sawrkar hotute nen an inkawm bawk.

Mamit I&PR Conference Hall-a Minority te kawmna ah hian Nirupam Chakma chuan India ramah Scheduled Tribe vbc. 10 chuang kan awm mek tih sawiin, an dinhmun leh harsatnate an nei em tih hriat saka hmuh sak tura Mamit chu tlawh an nih thu a sawi a, an harsatna leh mamawhte thlen tura chahin, chungte hmang chuan DC Conference Hall-ah Sawrkar Officials-te nen sawihona neih zuih anih tur thu a sawi a, an thu thlen hrang hrangte ngaihthlak sakin zawhna leh chhanna hun hman a ni.

Nirupam Chakma chuan Mamit District dinhmun leh thlen chinte hrechiang tura tlawh an ni tih sawiin, Sawrkar Officials-te chu mipui tana thawk an nih ang taka theihtawp chhuah a ramin hmasawnna a hmuh theih nana thawk turin a chah a, District-in hmasawnna tha zawk a hmuh theih nan kan zavaia tanrual a pawimawh thu leh Mamit District chhunga sawrkar Department hrang hrangte'n an thlen chin leh hmalakte an tarlang bawk a ni.

He hunah hian Mamit District Bawrhsap Jacob Lalawmpuia chuan Mamit District dinhmun tlangpui a tarlang a, mihring cheng hi 101,290 awmin, In (households) 20,902 a awm a, Villages 89 leh Sub-Villages 9 a awm mek a. Sex ratio chu 927 niin, Literacy rate 84.74% a ni a. Sawrkar Department hrang hrang 47 a awm bawk a ni.

Nirupam Chakna hian Mamit District Hospital, Jawahar Navodaya Vidyalay, Luangpawl Mamit-te a tlawh nghal bawk a ni.