MYC Chairman in kawm

Zonuna Kawlni /

Mizoram Youth Commission (MYC) Chairman Malsawmzuala Ralte chuan nimin khan National Skill Development Corporation Office, Greater Noida tlawhin thawktute nen an inkawm a, National Skill Development Corporation (NSDC) kaltlangin Mizo thalai Nursing lama background nei te Japan rama Gare Giver a thawk tur lak nise an ti a, heng mite hian Japan tawng thla 9 chhung zir turin NSDC Office, Noida-ah an awmchilh ang a, tawng an thiam hnuah an hnathawh tur pawh NSDC hian a buaipui vek dawn a ni. Hei bakah hian Germany-a Nurse hnaruak ah Mizo thalai Nurse zir zo tawh te lain Aizawl-a MYC Office-ah German tawng zirna hawn nise an ti a, an hnathawh tur pawh NSDC in a buaipui vek dawn a. Israel-a Care Giver hnathawh tur awmah Mizo thalaite an kal ve theih nan thawhho nise an ti bawk.

Comments

Post a Comment

Popular News (Last 30 Days)

Police ten Heroin an man

Zonuna Kawlni /
Image
Serchhip Police te chuan nizan hmasa khan Serchhi;p-ah heroin hawng khat manin a neitu nia hriat mi pahnih an man bawk. Thudawn danin Serchhip Police District Special Branch (DSB) te hian an thudawn bawhzuiin Serchhip Sub-Hqrs. YMA Anti-Drug Squad leh New Serchhip Bazar Branch YMA te nen tangtlangin Heroin hawng khat hi an man a, a neitu nia hriat Vanlalzawma (42) leh PC. Laldinliana (32), P&E Veng Serchhip nia insawi te pawh an man nghal bawk a ni. Heng damdawi te hi gram 11.67-a rit niin Tuirial atanga an rawn hawn niin a neitute hian an sawi a, CIB (SB) te nen pawh Police te hi an tangtlang bawk a ni.
Kimchang zawkin »