MJA President in Lemziak Intihsiakna a hawng

Mizoram State Council for Child Welfare-in School naupangte puala Lemziak Intihsiakna (Painting Competition) an buatsaih chu nimin khan Aizawl-a PC Girls School-ah Mizoram Journalists' Association (MJA) General Hqrs. President C.Lalrambuatsaiha chuan a hawng a, “Hnam fing leh hnam changkang apiangin Lemziak (painting) an ngaihlu a, lemziak thiam te pawh an ngaisang a.An lemziak leh a ziaktute pawh hnam rohlu-ah an ngai a, a ziaktute thih hnu kum tam tak hnuah pawh an kutchhuak hlui tak tak te pawh cheng tam tak takin an la lilam thin a ni,” a ti. He lemziak/cheimawi inelna hi Group 4-ah then niin Green Group kum 5 - 9 inkar, White Group kum 10 - 16 inkar te leh Vohbik naupangte tan Red Group kum 11-18 inkar leh Yellow Group kum 5 - 10 inkar te tan siam a ni a, School 19 atangin naupang 181 an tel a ni.