Kuthnathawktute tana Champhai-a hmalakna tlawh

Sawrkar laipui Ministry of Agriculture and Farmers Welfare-a Department of Agriculture and Farmers Welfare Joint Secretary (RFS), Franklin L.Khobung IFoS chuan nimin khan Champhai tlawhin kuthnathawktute tana sawrkar hmalakna hrang hrang te a hmunah kalin a enfiah.

Franklin L Khobung hian chawhma lamah District Agriculture Office tlawhin Champhai DAO F Lalmalsawma leh a thawhpui ten lo dawng-sawngin, Department hnathawh dan leh kalphung te an lo hrilhfiah a, hemi hnu hian Irrigation & Water Resources Office a tlawh bawk a. Agriculture Department in FOCUS kaltlanga an hmalakna Integrated Farming System Tlangram zau Hmunhmeltha a mi tlawhin loneitute hnathawh dan leh an hmalakna te a enpui a, loneitute hian Integrated Farming System hmanga an hmasawnna leh a mamawh an lo thlente a ngaihthlak sak a ni.

Hemi hnu hian Champhai-a District Horticulture Office tlawhin Sapthei sawngbawlna tur Cold Storage Complex a tlawh bakah Champhai Winery pawh a tlawh nghal bawk a ni.