CMRF atangin nuai khat pe

Chief Minister Lalduhoma chuan CM Relief Fund tanpuina diltu Roslyn Kimbuang hnenah nimin khan CMRF atangin Rs. 1,00,000 (nuai khat) a hlan. Roslyn Kimbuang hian Manipur atangin hnuchham naupang a enkawl lai mi 24 te chu sahimna zawngin Mizoram-ah a rawn tlanpui a. Mizoram sawrkar chuan Berawtlang Tourism Convention Centre-ah a awmtir a. Naupangte hian an hnaivai sikulah zirna an chhunzawm mek a ni. Roslyn Kimbuang hian Zo Inspiration Foundation ten an lo puih tawh thu Chief Minister hi a hrilh a, chubak chu a tlachawpin naupangte ei leh in tur a thiam ang anga a dap thin thu a sawi a. CMRF thahnem tak a pek avangin Chief Minister chungah hian a lawm takzet tih a sawi bawk.