Khapna thupek bawhchhetu lakah FIR thehluh a ni
Thudawn danin tunkar Thawhlehni zan khan Serchhip Lower Chanmari Veng-a khawsa nia insawi mi pakhat chuan an chenna In ah halmawi a hal a, Serchhip District Bawrhsap chuan kumin September 24 khan Section 163 of Bhartiya Nagarik Suraksha Sanhita, 2023 hnuaiah Halpuah, Halmawi, Sky Lantern leh puakthei thil dang lak luh, zawrh, hralh, hal leh hman khapna thupek a lo chhuah tawh avangin hemi chungchang ah hian Serchhip District Bawrhsap hian Serchhip Police Station-ah FIR a thehlut a, Police te chuan hemi chungchang hi chhui zui nghalin halmawi haltu a puh hi an man a, thubuai siam sak a nih hnuah niminpiah khan Serchhip District Court-ah hruai niin Bail in an chhuah nia thudawn a ni.
He khapna thupek bawhchhia te hi Dan hnuaiah thla ruk (6) thleng lung In tan tir leh sum Rs. 2000-5000 thleng chawitir a hrem theih a nih thu kan thudawnna pakhat chuan a sawi bawk.
Comments
Post a Comment