East Lungdar-a Panchayat Bhawan sak thar hawng
Panchayat Bhawan (VC House) sak thar puala lungphun hi LAD Secretary hian hawng hmasa in hemi hnu hian VC House thar lawmna hun chu VC Vice President C. Lalnghakmawia kaihhruai in neih chhunzawm nghal a ni a, he hunah hian LAD Secretary chuan East Lungdar-a VC House tha tak hawn theih a ni ta chu lawmawm a tih thu sawiin, East Lungdar VC te hmalakna hrang hrangte chu fakawm a tih thu a sawi bawk a. East Lungdar BDO Dr. Peter Malsawmtluanga leh East Lungdar VCP K. Lalngaizuala bakah sawmbik ten thu an sawi bawk a ni.
Nimin-a hawn tak East Lungdar-a Pan-chayat Bhawan (VC House) hi Rural Haat nena sak zawm a ni a, NABARD atangin NEIDA kaltlanga Rural Haat sakna tur Rs 7,00,000/- hmuh niin Panchayat Bhavan sakna atan hian 15th Finance Commission atangin Untied Grant (2021- 2022)-ah Rs. 9,69,000/- leh RGSA atangin Rs 10,00,000/- hmuh a ni a, Rural Haat chungah hian Panchayat Bhawan (VC House) hi sak a ni a, heng In pahnih sakna atana sum hmuh zawng zawng chu Rs 26,69,000 niin VC House pual bik atana sum hmuh zat chu Rs. 19,69,000 a ni a. VC House hi a dung feet 54 leh a vang feet 28-a zau a ni.
Comments
Post a Comment