Ruihhlo vangin mi 61 thi tawh

Kumin (2024)-a thla 10 (January leh October) inkar chhung khan Mizoram-ah ruihhlo hmansual avangin mi 61 an thi tawh a, an zinga 8 chu hmeichhia an ni. Excise & Narcotics Department chhinchhiah danin kum 1984 atang khan Mizorama ruihhlo hmansual avanga thi chhinchhiah a ni a, kum 1984 khan Heroin vangin mi pakhat a thi a ni. Kum 1984 atanga tun thleng hian ruihhlo vangin mi 1,871 an thi tawh a, an zinga 1,644 chu mipa niin mi 227 chu hmeichhia an ni. Mizo thalaite’n an thihpui tam ber chu nachawkna damdawi, Spasmo Proxyvon leh Parvon Spa hmanga inchiu kha a ni a. Heroin leh damdawi dang ruih kawp leh Heroin hmangte’n an dawt leh a ni. Chhinchhiahna-a a lan danin kumin October ni 14 hnuah ruihhlo vanga nunna chan hi an la awm rih lo a ni.