Chief Secretary ruat thar

Sawrkar laipui-a Ministry of Home Affairs chuan Mizoram Chief Secretary atan Khilli Ram Meena IAS chu a ruat ta a, Khilli Ram Meena hi IAS 1993 Batch niin AGMUT Cadre a ni a, tunah hian Ministry of Minorities-ah Addl. Secretary hna a chelh mek a ni. Khilli Ram Meena hi kum 1967-a piang niin zirna lamah MA (History) a ni a, kum 1993 khan IAS-ah tlingin hmun hrang hrangah hna a lo thawk tawh a, December 31, 2027 khian pension in a chhuak dawn a ni. Tarlan tawh angin Mizoram Chief Secretary Dr. Renu Sharma chu October 31, 2024 khan pension in a chhuak a, hemi hnu hian Chief Secretary tur hi ruat mai lovin H. Lalengmawia IAS chuan Chief Secretary mawhphurhna hi a chelh mek a ni.