AMC in Hotel, Thingpui dawr leh Hostel enfiah dawn

Aizawl Municipal Corporation (AMC) chuan Aizawl huam-chhunga Hotel leh thingpui dawr bakah Hostel te chu hrilh lawk loin dan an zawm leh zawm loh endik a ni dawn a, dan zawm lo chungah dan anga hmalak a ni dawn tih an sawi.

AMC Board of Councillors Meeting hnuaia din Committee on Regulations of Restaurant, Hotel & Hostel te chuan nimin khan Aizawl Press Club-ah thuthar thehdarhtute kawmin AMC Corporator leh Committee Chairman Rosiamngheta chuan AMC in heng inkaihhruaina a neih te chu vantlang tana hman chhoh turin an ruahman tih a sawi a, November chawlhkar hnihna atangin hrilh lawk lovin checking an nei thin dawn a, dan zawm kim lo te chu inchinfelna hun atan tun thla chhung hun pek an ni dawn anga, hemi hnua dan zawm lo te chu pawisa chawitir bakah an License tihtawp sak thlengin hma lak a ni dawn a ti a ni.

Endik turah hian AMC hnuaia registration an tih leh tih loh te, registration nung an nei em tih bakah an ei in siamna a thianghlim em tih te an enfiah dawn a, hei bakah hian bawlhhlawh thliarhran an kalpui em tih leh, dawr licence number an tar leh tar loh te an endik dawn a ni.