ABC Inkhawmpui nei tan

Baptist Church of Mizoram (BCM) Kohhran a Rorelna sang ber dawttu, Area Baptist Council (ABC) Inkhawmpui chu nizan atang khan hmun hrang hrangah neih niin Serchhip Area Baptist Council Inkhawmpui pawh BCM Biak In, Khuanghlum, Pangzawl Bial-ah neih mek a ni.
BCM Area Baptist Council (ABC) Rorel leh Inkhawmpui hi ABC 17-ah neih niin nizan lamah Inkhawmpui hi tanin Vawiin hian Rorel Inkhawm neih a ni anga, zanin atang hian Pathian biak Inkhawm neiin Pathianni zing inkhawm hi ABC hrang hranga Kohhran Upa Nemngheh inkhawm (Ordination Service) ah hman a ni anga, kuminah hian Kohhran Upa atan mi 181 nemngheh tur an awm a, hengte hi Pastor Bial hrang hrang 69 atanga exam te an ni.

BCM Serchhip Area Baptist Council Inkhawmpui hi Pangzawl Bial-a BCM Biak In, Khuanghlum-ah neih a ni a, Thupui atan ‘Krista Rilru’ tih chu hman niin Vawiin hian Rorel Inkhawm neih a ni anga, naktuk chawhma Inkhawm-ah Upa Nemngheh neiin chawhnu Inkhawm-ah Lalpa Zanriah Sacrament kilho a ni bawk ang.