Vawk thi 3456 tling tawh

Zonuna Kawlni /

Kumin chhungin Serchhip District-ah African Swine Fever (ASF) vanga Vawk thi 3456 a awm tawh.
 Serchhip-a AH&Vety Department ten an chhinchhiah danin Inrinni leh nimin (Pathianni) te khan Serchhip District-ah ASF vanga Vawk thi a awm belh lova, Inrinni khan New Serchhip South-ah Vawk 8 leh Baktawng khua ah Vawk 4 suat leh niin nimin-ah Vawk suat a awm belh lo bawk a ni. Heti hian kumin chhungin Serchhip District-a khaw 31-ah ASF vang hian Vawk thi 3456 a awm tawh a, Vawk 7001 suat ni tawh bawkin Vawk thi leh suat hi a vaiin 10,457 a tling tawh a, chhungkaw 2106 ten he hri hi tuar tawhin Vawk hri leng avanga hmun thenkhat a Vawk talh leh a sa zawrh khapna chu sut ala awm lo bawk a ni.

Kumin chhung hian Mizoram puma khaw 251-ah ASF hri hi a leng tawh a, Vawk 14,216 thi tawhin Vawk 23,670 suat a ni tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »