Tuialhthei man ah NGO ten sawrkar ngen an tum

NGO Co-Ordination Committee chuan Petrol leh Diesel hralhchhuahna atanga Chhiah tihpun chu tihniam leh turin hmalak an tum.

Nimin khan NGO Co-Ordination Committee hi Aizawl-a Central YMA Committee Room-ah thukhawmin tunhnaia Oil man a tihsan chungchang hi ngaih-tuah a ni a, kumin August 30-a Mizoram sawrkar thuchhuah in a sawi anga, Mizoram chhunga Petrol leh Diesel hralhchhuah atanga chhiah a tihpun chu a punna a san lutuk avang leh Mizoram mipuite tan phurrit lian tak a nih avangin Mizoram sawrkar-ah tihniam leh tura ngenna siam nise an ti a, “He kan hmalakna kalpui a nih chhung chuan eng pawl mahin mipuite nghawng thei zawnga hma la rih lo turin NGO Co-Ordination Committee chuan a ngen a ni,” an ti.

Nimin-a NGO Co-Ordination Committee thukhawm hian Myanmar-a Zo hnahthlak unaute inkara harsatna awm chungchang leh Mani-pur-a Zo hnahthlakte thawhhona chungchang te pawh an sawiho bawk a. Myanmar-a Zo hnah-thlak awm ten inunauna tha lehzual an neih theih nan pawl hrang hrang hruaitute kawm nise tiin Inlungrualna tha tak an neih theih nan kawng zawnpui nise an ti bawk a. Manipur-a Zo hnahthlak hnam hrang hrangte inphuarkhawmna tura pawl din Zo United kal zel dan tur chungchang pawh he hunah hian ngaihtuahin, hun remchang hmasa berah Zo United hruaitute kawm nise an ti bawk.