Tlungvel-ah hri leng mek

Tunhnaia khawsik leh khuh vanga damlo tamna Tlungvel khua chu hri darhna hmunah puan a ni a, nimin khan mi 40 te chu Swine Flu an vei leh vei loh enin, Swab Sample laksak an ni. Chief Medical Officer, Aizawl East in hri darhna hmuna a puan Tlungvel-a Health & Wellness Centre-ah hian September ni 17 leh ni 28 inkar khan khawsik leh khuh vangin mi 203 chu an inentir a, hetiang taka khawsik leh khuh an tam avang hian H1N1 test hi kalpui niin Thingsulthliah PHC atangin Lab. Technician kalin anni hian mi 40 te Swab Sample an la a, heng sample te hi ZMC-ah endik tur a ni ang. Sept. 25 khan Chhuanthar Tlangnuam-ah H1N1 test neih a lo ni tawh bawk a ni.