Thenzawl-a SHS leh Faina Hapta kharna neih a ni

Zonuna Kawlni (LENKAWL) • October 3, 2024 • Comments • Serchhip

Serchhip District chhunga Thenzawl khua ah nimin khan Swachhata Hi Seva 2024 leh Faina Hapta 2024 kharna hun hman a ni.
Vantawng Group YMA Hall-a he hun hman ah hian Thenzawl SDO (Civil) K. Lalhlimpuia chuan Faina beihpui thlak kawngah an phak tawkin hmalakna kalpui a nih thu sawiin, Faina kawngah Hapta chhung chauha hma la lovin, a bul an tan mai a ni tih hria a mimal leh khawngtlang anga hma la chhunzawm zel tur leh Mizoram pum fai inelna ah Khaw fai lawmman lak tuma tha thlalh lova theihtawp chhuah zel turin kalkhawmte chu a chah a ni.

Thenzawl-a Swachhata Hi Seva 2024 leh Faina Hapta 2024 kharna hun hi Thenzawl East VCP Lalropuia Sailo chuan kaihruaiin Faina Hapta puala inelna hrang hranga tithate hnenah lawmman sem a ni a. Kumin hian Thenzawl a Branch YMA huamchhung fai ber, Office leh Zirna In Fai ber; Hotel leh Restaurant fai inelna bakah Zirlaite tan Faina lam hawi Essay inziah-siakna te buatsaih a ni a, Faina kawnga thawk tha mimal pathum hnenah chawimawina hlan an ni bawk.