State Level Mock Drill nei turin inbuatsaihna kalpui a ni

Thla thar November thla chhunga State Level Mock Exercise on Flood and Landslide Disaster neih turah inrawnkhawmna leh inhrilhhriatna, Coordination and Orientation Conference chu nimin khan neih a ni a, he hun hi Serchhip District atang pawhin Bawrhsap Paul L.Khuma hovin sawrkar mi pawimawh ten an lo zawm a ni.
He Meeting hi Planning Conference Hall, Aizawl atangin DM&R Secretary K.Lalrinzuali chuan a kaihruai a, Mizoram chhung District tinah chhiatna a lo thlen thulha inbuatsaih dan tur zirhona neih a nih tur thu te, nunchan zirna (mock exercise) hmun hrang hrangah liantham taka buatsaih a nih tur thu te ngaih-thlak a ni a. Brig. Ravinder Gurung, Sr. Consultant, ME&IRS, NDMA, Govt. of India chuan Mock Drill leh Table top Exercise neih dan tur ruahmanna chipchiar sawifiahin District thuneitute leh DDMA member te, sawrkar department hrang hrang te leh mipui mimir te bakah khawtlang hruaitute tih tur leh mawhphurhna te a hrilhfiah a ni.

Video Conference neih zawh hnu hian Bawrhsap Paul L. Khuma hovin thutkhawm neih chhunzawm nghal a ni a. “Exam khirh tak bei tur ten inbuatsaihna an kalpui angin khuarel chhiatna kan hmachhawn dan tur hi theihtawpa thaa kan inbuatsaih a nih chuan, harsa lutuk lovin kan paltlang thei dawn a ni,” tiin Bawrhsap chuan, “Chhiatna a lo thlen huna mahni mawhphurhna leh tih tur theuh sawrkar thuneitute leh mipuiin kan hriatlawk hi kan tih makmawh a ni a, hun tha kan neih lai hian uluk takin i inbuatsaih ang u,” tiin he huna tel te chu a sawm a ni.

He Meeting-ah hian Department hrang hrang aiawhte bakah VCP (Village Disaster Management Committee Chairman) te leh tlawmngai pawl hrang hrang aiawh te an tel a. Disaster Managment Plan zulzuiin Serchhip District a Table Top Exercise leh Mock Drill neih dan tur ruahmanna siam niin mimal tin te mawhphurhna tur inhrilh-hriat nghal a ni bawk.