Salvation Church kum 10-na

Chhandamna Kohhran, Salvation Church of India chuan nimin October 2, 2024 khan an dinchampha vawi 10-na leh Pathian hnena lawmthu sawina inkhawm chu Falkland-a LPS Arena-ah an nei a, kum 10 tlin lawmna Jubilee Mei det-in Kohhran hruaitu hmasa ten Jubillee dar an vaw bawk a, kum 10 tlin hriatrengna lungphun chu Chhandamna Kohhran President Upa Dr. H. Lianzela'n a hawng bawk. Chhandamna Kohhran hian Chaltlang Lily Veng-ah Kohhran National Headquarters neiin Mizoram chhungah Kohhran 21 an nei mek a. Andhra Pradesh, Odish, Assam leh Tripura-ah te rawngbawlna an kalpui mek bawk a ni.