Chhim Veng-ah VCP inthlak

Zonuna Kawlni (LENKAWL) • October 1, 2024 • Comments • Serchhip

Serchhip Chhim Veng Village Council-ah by-election neih a nih hnuin VC Executive Body siam thar a ni a, ZPM kaihhruaiin VC Body hi siam a ni.
Tarlan tawh angin VC Inthlanpui hnuhnung berah khan Seat 5 awmna Serchhip Chhim Veng VC-ah hian MNF in seat 3 leh Congress leh ZPM in Seat pakhat ve ve an la a, MNF atanga thlan VC Member pakhat a boral avanga by-election ah Independent Candidate chu thlantlin niin hemi hnu hian VC Excutive Body pawh siam thar tura hmalak nghal a ni a, sawrkar in ala pawmpui rih lo nia thudawn a ni.

Tuna VC Executive Body siam thar ah hian ZPM atanga thlantlin Rualchhawnkima chu VC President thar tura tih niin Independent-a thlantlin PC. Siamliana chu Vice President a ni anga, Congress atanga thlantlin Lalbiakmawia chu Treasurer a ni dawn bawk a ni.