Zirtirtu Quarters hawng

Saichal khua in an khua-a In luah tur indaih loh avanga an khuaa Zirtirtu awm ten harsatna an tawh thin sutkianna atana Zirtirtu Quarters tur an sak chu nimin khan Ngopa SDEO Dr. Lalhma-ngaihzuali chuan a hawng a, he Quarters hawn tak hi Mizopa chhiara chhawng hnih (2) niin Zirtirtu mi pali (4) in an luah theih tur a ni. Saichal khua hian hmundang atanga an khuaa Zirtirtu hna thawk tura awm ten In luah tura harsatna an tawh thin sutkian a nih theihna atan hmalak tha an ti a, hemi kawngah hian Saichal Development Committee te'n hma an la a. Hmun hrang hrang atanga sum an hmuh hmangin Zirtirtu Quarters hi an sa a, cheng nuai 13 vel sen niin hlawhfa tha 424 leh Mistiri tha 99 sengin tum hnih an hnatlang bawk a ni.