Vawk thi la awm mah se hri leng ziaawm ah ngai

Mizoram-a Vawk hri leng, African Swine Fever (ASF) vangin Vawk thi leh suat la awm reng mah se he hri leng erawh a ziaawm hret nia ngaih a ni.

AH & Vety Department chuan ASF vang hian Mizoram hmun hrang hrangah Vawk thi leh suat la awm mah se Vawk thi zat hi a tlem hret hret tih an sawi a, ni tina Vawk thi zat an chhinchhiaha lo langah hian khami ni-a thi ni lo, a hma deuh tawha mi, report dawn har vanga lang tlai khawhnu te a awm nual thin thu leh chumi chhiar tel loh chuan ni tina Vawk thi zat hi a tlem tawh tia sawi theih a nih thu an sawi a. He hri leng hi a hma ang em em chuan a nasa tawh lo niin an sawi a ni.

Kumina ASF hri an hmuhna hmasa ah te chuan he hri leng hi a reh tawh a, a la reh fel chiah lohna hmunah pawh a zia tawh tih an sawi a, finfiah tharna hmun pawh a pung lo a, hmuh tharna a awm meuh tawh lo tih an sawi bawk a. ASF a nih leh nih loh enfiah ngai pawh a tlem tawh tih sawiin, tunhnai lawkah hri kai leh kai loh enfiah tur tam tak an neih thu leh tunah erawh chuan chutiang chu a nih tawh loh thu an sawi a. Vawk a thi a tam tawh avanga hri pawh a zia tawh ang tih ngaihdan a awm thu sawiin, amaherawh chu Vawk a la tam thu leh Vawk dam lo leh rinhlelhawm, endik ngai hi a tlem tawh hrim hrim zawk tih an sawi a ni.