Tuialhthei-a Chhiah lak tihniam leh turin ngen

PC Party hruaitute chuan July 2, 2024-a Mizoram Sawrkar Council of Ministers thukhawm in Diesel leh Petrol-a chhiah lakna tihpun tura thutlukna an lo siam tawh chungchangah nimin khan Taxation Department hotute an kawm a. Petrol leh Diesel-a Chhiah lak thin tihsan a ni leh Petrol leh Diesel-ah litre khat zelah Social infrastructure & Services atan Rs. 2 leh Road Maintenance Cess Rs. 2 zel lak a ni dawn bawk tih sawiin, hetianga mipuite phurrit chhawk zangkhaina lam ni loa mipuite sum bawm rawk zawnga Mizoram sawrkar hmalakna hi tha an ti lo tih an sawi a, a rang thei ang bera sút a nih theih nana hma la turin an thlen a ni. PC Party hruaitute hi Lalthansanga, Additional Commissioner chuan a lo dawngsawng a ni.