Tuialhthei ziaawm zel

Mizoram-a tuialhthei kawnga harsatna awm chu ziaawm zelin Serchhip-ah pawh Vawiin lam hian Petrol leh Diesel rawn thleng tura beisei a ni. Serchhip-a PB. Lalzuithanga Filling Station a thawktute chuan sawrkar lamin Petrol leh Diesel hralh dan an khuahkhrihna chu nimin chawhnu atang khan thlahdul a ni tih sawiin, nimin atang khan Permit ngai lovin bituk neiin Petrol leh Diesel hi hralhchhuah tan a nih thu an sawi a, Vawiin lamah Petrol leh Diesel hi Trip khat ve ve rawn thleng tura an beisei thu sawiin, mipuite tan hniang-hnar taka hralhchhuah chhunzawm theih an beisei thu LENKAWL an hrilh a ni.