MSCW-ah thubuai lut tam

Kumin March thla hnu lamah Mizoram State Commission for Women chuan hmeichhiate harsatna kaihhnawih thubuai 95 ziaklutin heng zinga a tam zawk, za zela 80 chuang chu chinfel a ni tawh.

Hmeichhia ten harsatna leh buaina hrang hrang an tawh ah leh an dikna chanvo an chan theih nana an thlavang hauhsak tura din Mizoram State Commission for Women-a thubuai thehluh te hi Commission chuan a tuartute leh a mawhphurtute ko in Hearing a nei thin a, Commission hi Civil Court thuneihna nei a nih angin thubuai te hi Court pangngai a sum tam zawk sen aiin a lo chinfel sak mai thin a, kumin March atanga thubuai ngaihtuah zinga a tam zawk, zaa 80 chuang chu chinfel ni tawhin buaina tam ber hi Inchhungkhur a hleilenna bakah ro chungchang thubuaite, nupa inkar buaina leh inenkawl chhunzawmna tur chungchangte a ni.