Khaw 4-ah Vawk thi awm

Nimin khan Serchhip District-ah African Swine Fever (ASF) vanga Vawk thi khaw 4-ah chhin-chiah niin khaw pahnih ah Vawk suat leh a ni bawk.
AH&Vety Department ten an chhinchhiah danin nimin khan Serchhip District-a khaw pali ah ASF vanga Vawk thi 8 a awm a, New Serchhip ah Vawk thi pathum awmin Baktawng leh Khaw-lailung-ah pahnih ve ve leh East Lungdar-ah pakhat te a thi bawk a ni. Nimin a Serchhip District-a ASF vanga Vawk suat chhinchhiah chu 66 niin khaw pahnih ah chhinchhiah a ni a, Khawlailung khua ah Vawk suat 63 chhinchhiah niin Baktawng khua ah Vawk pathum suat leh a ni bawk.

Heti hian nimin thleng khan Serchhip District-a Veng leh khua 31-a chhungkaw 2048 ten kumin hian ASF hri leng avangin harsatna an tawk tawh a, ASF vanga Vawk thi 3341 awmin Vawk 6770 suat a ni tawh bawk a ni.