Hlawh pe turin buaipui zel

School Education Minister Dr. Vanlalthlana chuan Samagra Shiksha hnuaia thawk ten thla thum chhung hlawh an lak tawh loh chhan chu sawrkar laipui atanga sum an dawn loh avang a nih thu nimin amah kawmtu thuthar thehdarhtute hnenah a sawi a, sawrkar laipui in kumin-a an sum dawn tur chu thla nga chhung an pe tawh lo nia sawiin, sum hi a chhuah theih nan hma an lak mek thu leh sum hi rawn lut thei dinhmunah a din mek thu a sawi. Education Minister chuan Chief Minister ruahman pui angin thla khat hlawh pekchhuah phawt tum a nih thu pawh a sawi a, Teachers’ Day hmaa pek hman tum a nih thu a sawi. Hetihlai hian FEMSE chuan Teachers’ Day-a bagde dum bel an tum chu ngaihtuah nawn leh an tum tih an sawi bawk.