Bawlhhlawh paih lungawi lo

Aizawl Garbage Vehicle Owners’ Association, PPP Mode Bawlhhlawh Paih Welfare leh Sanitation Driver & Handyman Association hruaitute chuan nimin khan Aizawl Press Club-ah thuthar thehdarhtute kawmin bawlhlawh paih motor hman man rualkhai leh mumal siam an phut nawr nan karleh Thawhtanni atangin an tlan dawnlo tih an sawi a. Bawlhhlawh paih motor hman man rualkhai leh mumal zawk, veng tin hlat dan mil zela siamtha turin AMC hotute hnenah vawi engngemaw zat an lo ngen tawh thu sawiin, heti chunga Vawiin thlenga an ngenna tihhlawhtlin a la nilo chu an hriatthiamloh thu an sawi a ni.