YMA in Mizoram-a Gorkhali te OBC Status pek tha an ti lo

Central YMA chuan Mizoram-a Gorkhali awm ten Mizoram Sawrkara Other Backward Classes (OBC) Status an dil chu tha an tih loh thu an sawi.

Central YMA thuchhuah tarlan danin Mizoram-a Gorkhali awm ten Mizoram Sawrkar ah Other Backward Classes (OBC) Status an dil mek chungchang hi ngaihtuah niin Central YMA chuan Gorkhali ten OBC Status an dil tirh atangin Mizo hnam himna khawih chhe thei nia a ngaih avangin a lo dodal tawh thin tih an sawi a. Gorkhali-te OBC Status pek an nih chuan ram leilung fa, Mizote tan kawng hrang hrangin a him dawn lo nia an hriat thu an sawi a ni. Central YMA chuan Ram leh hnam humhalhna atana hma an lak mek lai hian, Mizo hnam tana him lo ni a an ngaih avangin Gorkhali-te OBC Status pek hi tha an ti lova, a tawp thlengin an dodal zel dawn tih an sawi bawk a ni.