Vawk thi 20 awm belh leh

Nimin khan Serchhip District-ah African Swine Fever (ASF) vanga Vawk thi 20 chhinchhiah belh leh a ni. Nimin a Serchhip District-a ASF vanga Vawk thi chhinchhiah te hi Chhiahtlang-ah 6, Chhuanthar Tlangnuam leh New Serchhip South-ah 4 ve ve, Baktawng leh East Lungdar-ah pahnih ve ve leh Serchhip Chanmari Veng leh New Serchhip North-ah pakhat ve ve ta an ni a. Nimin vek khan Vawk suat 31 awmin Baktawng-ah 10,  Serchhip Chhim Veng-ah 6, Chhiahtlang, East Lungdar leh leh New Serchhip South-ah 4 theuh, Chhuanthar Tlangnuam-ah 2 leh Serchhip P&E Veng-ah pakhat te an ni. Heti hian nimin thleng khan Serchhip District-ah ASF vangin khaw 30-ah Vawk 2382 a thi tawh a, Vawk 5636 suat ni tawh bawkin chhungkaw 1665 ten he hri avang hian harsatna an tawk tawh a ni.