Serchhip District-ah ASF vangin Vawk 2162 a thi tawh
Serchhip-a AH&Vety Department ten an chhinchhiahna atanga a lan danin nimin August 11, 2024-ah khan Serchhip District-a Veng leh khua 5-ah ASF vanga Vawk thi 15 chhinchhiah leh niin heng zinga 12 te chu Ser-chhip khawpui chhunga mi te an ni a, Chanmari Veng-ah Vawk 6 thiin New Serchhip North-ah 5 leh New Serchhip South-ah pakhat te an ni. East Lungdar-ah Vawk pahnih thiin Chhuanthar Tlangnuam-ah vawk pakhat a thi bawk.
Nimin vek khan Veng leh khua 6-ah Vawk suat 23 a awm leh bawk a, Serchhip P&E Veng-ah 9, Serchhip Kawnpui-ah 8, New Serchhip South-ah 4 leh Serchhip Chanmari-ah 2 suat an ni a, Baktawng leh Keitum-ah pakhat ve ve suat an ni bawk. Heti hian kumin ah nimin thleng khan Serchhip District-a Veng leh khua 30-ah ASF vanga Vawk thi 2162 awm tawhin Vawk 5507 suat a ni tawh bawk.