Rajya Sabha MP zawhna Minister ten an chhang

Zonuna Kawlni /

Parliament Session neih mekah Union Minister of DoNER Dr. Sukanta Majumdar chuan Mizoram Rajya Sabha MP K. Vanlalvena zawhna chhangin February 10, 2021 khan Sangau to Saisihchhuah kawngpui sialna atan cheng vbc. 66.08 sanction a nih thu leh he hna thawk tur hian Border Road Organisation (BRO) chu thlan an nih thu a sawi a. Motor kawngpui kalna tur atan Mizoram in June, 2024 thlenga ram a thlawna a pek theih loh avangin he kawngpui laih tura pawisa sanction tawh chu hnuhkir a nih thu DoNER Minister chuan sawiin, Thingsai to Pangkhua-Sangau Road project ah Sangau-Saisihchhuah-Siallam road hi laih turin 2023-2028 chhunga thawh atan General Staff (GS) funding of BRO Scheme-ah dah a nih tawh zawk thu Rajya Sabha MP chu ziakin a hrilh bawk a ni.

Union Minister of School Education changtu ni bawk Dr. Sukanta Majumdar chuan K. Vanlalvena zawhna dang chhangin Lengpui hmuna National Institute of Technology (NIT) Permanent Campus sakna tura sawrkar laipuiin sum a sanction zat chu cheng vbc. 669.75 a nih thu a sawi a. Forest Clearance tifel turin sawrkar in tih tur tul apiangte a tih mek thu leh NIT Mizoram chu kum 2010 Academic Session atanga tan a nih thu te a sawi a, tunah hian zirlai 668 an awm mek thu zawhna chhanna ah hian a tarlang tel bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »