Ni hnih awh tur Paryatan Mitra program hawn a ni

Ni hnih (2) awh tur ‘Paryatan Mitra program’ chu nimin khan Aizawl-ah hman tan a ni.

Paryatan Mitra programme hi Ministry of Tourism-in tourism hmasawn nan leh he Industry-a eizawnna nei te'n nasa lehzuala Tourism atanga sum an hailuh theih nana duan a ni a. He Scheme hnuaiah hian India ramchhunga hmun pasarih (7) chu Pilot Project tura thlan chhuah niin heng zingah hian Mizoram atangin Aizawl District chu a tel ve a, First Phase atan Tourist Service Provider-te hnenah training pek tan a ni.

Paryatan Mitra Programme hi Tourism Department leh Ministry of Tourism hnuaiah kalpui niin tun tuma Training hi ni 2 awh tur a ni a, Stage I-ah hian Taxi Driver-Te training pek tu niin nimin khan Chaltlang Tourist Lodge-ah a hawnna neih a ni a, Tourism Department changtu Secretary Dr. Lalrozama IAS chu khuallian niin Mizoram-a Tourism Industry ti lian tura Service provider ten hmun pawimawh tak an luah thu tarlangin, nasa taka tang chho zel turin a fuih a. Tourism Department hmalakna reng rengte chu tlang taka mipuiin an hman tangkai zawk dan te leh Tourism chu kan ram ei leh bara a lo intodelh theih nan bakah Tourism hnuaia eizawnna chu huapzau tak a nih avanga a pawimawhzia te a sawifiah nghal bawk a ni. 

He hunah hian he hun hmanpui tura sawrkar laipui atanga lokal Anil Oraw, Regional Director, Ministry of Tourism chuan trainer-te fuihna thu sawiin, Dr. B. Sawjan, Professor, IITTM Bhubaneswar leh Dr. Hemanshu Baishya, HOD, Central, IHM te'n thu an sawi bawk.