Birth Certificate-a Non Tribal hming thlak sawiho

Inter Departmental Coordination Committee (IDCC) on Civil Registration System thutkhawm vawi 23-na chu nimin khan neih a ni.

Inter Departmental Coordination Committee (IDCC) hi Registration of Births & Deaths chungchanga State Level Committee sang ber a ni a, Line Department hrang hranga Head of Department-te leh District tin Deputy Commissioner (DC) te Member niin nimin-a Planning & Programme Implementation Department Committee Room-a thutkhawm ah hian Civil Registration System kaihhnawih, DC leh Head of Department hrang hrangte leh an aiawhte an tel a. Registration of Births & Deaths chungchanga thil pawimawh chi hrang hrang rel zingah Electoral Roll a inthun thar dilte tan Birth Certificate Digitized chauh hman chungchang te, Birth Certificate-a Non Tribal hming, Zohnahthlak Tribal hminga thlak phal loh chungchang te leh Delayed Registration of Births & Deaths dilna form man siamthat chungchang te a tel a. He hunah hian District tina DC leh DRO te chu Video Conferencing kaltlanga tel phalsak an ni bawk.