Dan ang taka HPC Lunglei kalpui dan tur rel a ni

Nimin khan High Powered Committee Lunglei chu an Chairman leh Chief Minister Lalduhoma hovin a Pisa-ah an thukhawm.

He thutkhawm ah hian Chief Minister chuan sawrkarna an kalpui hnu deuh lawkah MP Election Model Code of Conduct te a awm avangin an tum angin HPC an thukhawm hma thei ta lo tih sawiin,  “Lunglei mipuiten min duhsakzia kan hria a, Mit in kan hmu a. Sawrkar hian mipuite lakah rulh tur tha ba tam tak kan nei tih hi kan hre reng a ni,” a ti.

He hunah hian dan ang taka HPC kalpui dan (legislate) tura hmalak an rel bakah Lungleia Multi Level Car & Smart Parking leh Ring Road project siam an rel a. HPC Fund hman dan phung pawh tlem tihdanglam an rel a ni. Heng bakah hian Serkawn Bazar Shed thar sak chungchang te, Agricultural Link Road laih chungchang te, Mizoram chhim lama Airport siam chungchang leh thil pawimawh dang te an sawi bawk.