Tunhnaia ruahsur avanga Baktawng Chan In leh Khumtung inkar-a leimin in National Highway-54 kawngpui a hnawh chu thenfai zawh ala nih loh avangin nimin tlai thleng khan helai kawng ah hian lirthei eng chi mah a la kaltlang thei lo.
Thudawn danin niminpiah Aug. 28 zing khawvar hma khan Baktawng Chan In leh Khumtung inkar NH. 54 hi kawngchhak lam leimin in a hnawh a, hei vang hian lirthei eng chi mah kaltlang thei lovin niminpiah atang khan he kawngpui enkawltute chuan leimin thenfai hna hi an thawk nghal a, nimin nileng khan then leh ni mah se leivung hi nawr liam mai theih a nih loh avangin thenfai zawh ala ni lo a, lirthei leh khualzin engemaw zat an thangkhang a ni. Heng khualzin tangkhang te tan hian nizan hmasa khan Baktawng Vengpui Branch YMA chuan eirawng an bawl a ni.
Comments
Post a Comment