MPCC in Intuaitharna nei

Congress Party chuan nimin khan Aizawl a Lal Thanhawla Auditorium-ah ‘Hruaitu Intuaitharna’ hun an hmang a, he hun hi MPCC Sr. Vice President Lalnunmawia Chuaungo chuan kaihruaiin Synod Revival Speaker Challian-thanga chu Speaker atan hman a ni a. Congress Party chu Term nga lai lai sawrkarna chang tawh an nih thu leh tihsual palh chu a awm theih thu sawiin, “Mahse Pathiam lam in hawi a, insiamthat in mamawh a ni. Chuvang chuan nangni pawh Lalpa’n siamthar che u a duh a, hmanrua ah hman leh che u a duh a ni,” tiin “Tunah hian in mamawh chu fing leh thiam ringawt ni lo, mi tha leh dik ringawt ni lo, huaisen tel kan mamawh a ni,” a ti bawk.