Mizo tobul chhuina sawiho

Art & Culture Department leh Pachhunga University College-a Department of History te buatsaihin nimin khan PUC Seminar Hall-ah Mizo tobul chhuina, 'International Symposium on Mizo Origin : Exploring Narratives of Origin and Migration' chu neih a ni a, he hun hi Art & Culture Minister C. Lalsawivunga chuan hmanpuiin Mizo tobul leh thlangtlak dan chungchangah Historian-te chhuizauna atangin thil hriat leh hmuh tur hrang hrangte awm bawk mah se, Sawrkar anga Mizo tobul leh thlangtlak dan kimchang mumal taka puan a la ni lo chu veiawm a tih thu a sawi a. He Symposium buatsaih hi Mizo tobul leh thlangtlak dan kimchang chhuichianna remchang, mumal taka history chhui nan hman ni se a duh thu a sawi bawk. He Symposium-ah hian mithiam hrang hrang ten thu an sawi a ni.