Mamit-ah Oil Palm thar tam

Mamit District chhunga Oil Palm chingtu chhungkaw 374 te chuan nikum chhung khan cheng vbc. 5 chuang hu Oil Palm an hralhchhuak tih Mamit District Oil Palm Zonal Committee thutkhawm Inrinni-a neih ah tarlan a ni a, he hunah hian Member Secretary leh District Agriculture Officer Ngurrinsanga Sailo chuan Mamit District chu Mizoram pumah Oil Palm tharchhuak tam ber District a ni tih sawiin, nikum 2023-2024 chhung khan Fresh Fruit Bunches (FFB) Metric tonne 4126 tharchhuah niin, heta tanga Oil Palm chingtu chhungkua 374 te sum chu cheng vbc. 5.50 a ni tih a sawi. He Committee-ah hian Oil Palm chin dan tur leh hlawk zawka tharchhuah a nih theihna tura hmalak te, Oil Palm buk dan tur tha zawk ngaihtuah te leh kum 2023-2024 chhunga Oil Palm chingtu mi 83 te hnenah tanpina sum cheng 12,19,625 pekchhuah te rel a ni bawk.