I-Day Tennis Tournament Final khel dawn
Serchhip District Tennis Association (SDTA) hian tun thla ni 10 atang khan ‘Independence Day Tennis Tournament 2024’ hi Serchhip P&E Veng-a Leisekawt Tennis Court-ah an buatsaih a, kumin hian Category pathum-a inelna buatsaih niin Men's Singles, Men's Doubles leh Men's Singles 45+ ah te inelna neih a ni a, a pumpui-ah player 17 telin Men's Singles-ah Player 13, Men's Doubles-ah Pair 7 leh Men's Singles 45+ ah Player 5 an tel a, nimin khan Semi Final khel zo in Vawiin hian Final khelh tur a ni ang.
Independence Day Tennis Tournament Final hi Vawiin tlai dar 3:00 hian Final hi khelh tan a ni dawn a, Men's Doubles Final khel hmasa berin Vanlalhruaia leh S. Lalrintluanga te tangdun leh HL. Thangvuta leh Vanlalpekhlua te tangdun in Final an khel anga, Men's Singles 45+ Final-ah S. Lalrintluanga leh Lalsangpuia te inhmachhawnin Men's Singles Final-ah ZD. Laltlanzova leh K. Vanlalmawia te an inhmachhawn bawk anga, lawmman te hi naktuk-a Independence Day lawmna ah sem tur a ni ang.