Khawbel Branch an tla ve leh ta

Zonuna Kawlni /

LBS Suzuki Inter Branch YMA Volleyball Tournament 2024 khelh mekah Serchhip Sub-Hqrs. YMA huamchhung atanga tel zingah Semi Final thleng zo an awm ta lo.

Central YMA leh Mizoram Volleyball Association (MVA) tang-kawp buatsaih LBS Suzuki Inter Branch YMA Volleyball Tournament 2024 khelh mekah hian nimin khan Quarter Final khelh niin Serchhip Sub-Hqrs. YMA huamchhung atanga tel zinga Quarter Final lut awmchun Khawbel Branch hi Hunthar Branch nen an inhmachhawn a, Hunthar Branch hian 3-0 (25-15, 26-24, 25-19) in hnehna an chang a ni.

Inkhel inhnehtawk tak tura ngaih a nih laiin a ni zawn-a khel Khawbel Branch in beisei an phak lo a, Hunthar Branch lam chet that ni a lo ni bawk nen Khawbel hi a chak lo zawkah an tang ta a, Hunthar hian Semi Final-ah Chhinga Veng an tum dawn a ni.

Nimin a inkhel dang ah Chhinga Veng hian Tuikual North chu 3-1 in an hneh a, Muanna Veng in Dinthar chu 3-1 bawka hnehin Khawhai in Maubawk 3-0 in an hneh bawk.

Vawiin ah Hmeichhe Semi Final khelin Bungkawn Vs Kanan leh Armed Veng South Vs Vaivakawn te an inhmachhawn ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »