Final Roll tarchhuak

Aizawl Municipal Corporation (AMC) Ward No. VI-a Corporator a boral avanga by-election neih tur atana inbuatsaihna kal mekah Electoral Roll ennawn hna chu zofelin nimin khan Final Electoral Roll tarchhuah a ni a. AMC Ward No. VI huamchhungah hian Chanmari West, Edenthar leh Hunthar te awmin Vote nei mipa 4604 leh hmeichhia 5300, an vaiin 9901 an awm a, Draft Electoral Roll aiin Vote 55 in an tam zawk a ni. AMC Ward No. VI-a By-Election neih hun tur erawh chu State Election Commission (SEC), Mizoram in a hranpa in hriattirna a la tichhuak leh dawn a ni.