District khawpui-ah Independence Day hman a ni

Ram zalenna ni vawi 78-na chu nimin khan Mizoram District hrang hrangah leh Sub-Division bakah Rural Development Block thuthmun ah te urhsun taka hman a ni.

Lunglei-ah chuan C. Thuamluaia Mual-ah PWD Minister Vanlalhlana’n hnam puanzar pawt pharhin parade chibai a chhanglet a, Siaha-ah chuan SDFA Ground-ah Home Minister K. Sapdanga’n chuan Hnam puanzar a pawtpharh a, Lawngtlai-ah chuan Central YLA Playground-ah Health Minister Lalrinpuii’n Hnam puanzar pawt pharhin parade contingent te chibai buk a chhanglet a ni. Champhai-ah chuan Independence Day lawmna hi Chhangphut Field-ah neih a ni a, Agriculture Minister PC. Vanlalruata’n Hnam puanzar a pawt pharh a, Kolasib-ah chuan Sports Stadium-ah Revenue Minister B. Lalchhanzova’n hnam puanzar a pawtpharh bawk a ni.

Mamit-ah GSA Playground-ah Forest Minister Lalthansanga’n Hnam Puanzar pawtpharhin Parade Contingent te chibai buk a chhanglet a. Hnahthial-ah chuan HDFA Turf Ground-ah Education Minister Dr. Vanlalthlana’n Hnam Puanzar pawtparhin Parade ontingent te Chibai buk a chhanglet a. Khawzawl-ah Sports Minister Lalnghinglova Hmar hovin Mualvawm Field-ah hun hman a nih bakah Saitual-ah pawh Horticulture Minister Prof. Lalnilawma hovin Keifang Centenary Sports Complex-ah hun hman a ni bawk.