Sawrkar laipui-ah chhawmdawlna vbc. 200 dil mek

Mizoram Sawrkar chuan kumin May thlaa Cyclone Remal in Mizoram hmun hrang hranga chhiatna a thlen chhawmdawl nan sawrkar laipuiah cheng vbc. 200 a dil.

Tunhnaia chhiatna hrang hrang thlengah hian mi 37 in nunna an chan a, chhungkaw tam takin an chenna In chhuahsanin hmun hrang hrangah kawngchhia leh bungraw chhia tam tak a awm a. Disaster Management & Rehabilitation Department in RTI zawhna an chhannaa an tarlan danin kumin May ni 28-a Cyclone Remal thlipui tleh avanga nunna chan zat chu mi 34 an ni a, heng bakah hian In leh lo a tihchhiat 1,196 awmin heng zingah hian luah tlak tawhloha chhia In 201 a awm a. In chhe nasa 149 awmin thawmthat theih maia awm In 699 a awm a, Thlam 147 a chhe bawk a ni.

Cyclone Remal in chhiatna hrang hrang a thlenah hian mahni In leh lo chan an awm nual a, heng Cyclone Remal avanga thil chhia hrang hrangte a sum faia a hlut zawng chu cheng nuai 17 bawr vel niin Department chuan a tarlang a. Tunhnaia National Disaster Management Authority Technical Expert Group lokal te chuan Cyclone Remal avanga chhiatna thleng leh tunhnaia khuarel chhiatna hrang hrang thleng te hi an tlawh kual mek a, Vawiin hian Mizoram an chhuahsan leh dawn a ni.