Champhai-ah Pisa kai tur dang

Mizo Zirlai Pawl (MZP) Hqrs. Champhai chuan Govt. Champhai College-a Political Science leh Economics Department-a zirtirtu a dah belh phutin nimin khan Champhai-a sawrkar Pisa kai tur an dang tan a, MZP hi nimin zing khan Champhai khawpui chhung hmun hrang hrangah insemdarhin School leh Pisa kal turte hi an dang a, boruak duhawm lo thleng a awm hriat a ni lo a, Police te pawh insem darhin an duty ve bawk a ni. MZP Hqrs. Champhai hruaitute chuan sawrkarin an thil phut- Govt. Champhai College-a Political Science leh Economics Department-a zirtirtu a dah belh hma chuan nawrh huaihawt hi an chhunzawm dawn tih an sawi a ni.